LAOAG CITY – Inaprubaranen ni Pope Leo XIV ti pannakadutok ken ni Cardinal Luis Antonio Tagle kas baro a Dean ti College of Cardinals, maysa kadagiti kangatoan ken kapategan a posision iti Simbaan Katoliko.
Ni Tagle ket agdama nga aserserbi kas Pro-Prefect ng Dicastery for Evangelization’s Section for First Evangelization and New Particular Churches ken sukatanna ni Cardinal Giovanni Battista Re a nagserbi kas Dean ti nadakamat a lupon manipud idi Enero 2020.
Kas baro a Dean ti College of Cardinals, iggem ni Tagle ti akem a pangasiwaan dagiti opisial ti panagtataripnong dagiti cardinal no adda napapateg nga isyu a sangsangoen ti Simbaan.
Pakairamanan ti kangrunaan nga akem ti Dean ti panangtawag ken panangimanehar ti Papal Conclave wenno ti proseso ti panang-elect ti baro a Santo Papa no man mabakante ti posision iti Vatican.
