LAOAG CITY – Mamati ni Mrs. Lizette Atuan, mangidadaulo ti Provincial Public Employment Service Office a dakkel a tulong ti maisaysayangkat a Career Guidance Advocacy Program para kadagiti estudiante.
Segun kenkuana, manamnama ti panagturongda manen kadagiti nagduduma a pagadalan iti intero a probinsia tapno maisuro dagiti Grade 9 agingga Grade 12 students dagiti rumbeng a maammoanda para iti masakbayan dagitoy.
Inbatadna a maiyadal kadagiti Grade 9 ken Grade 10 students no ania ti maiyannatop nga Academic Strand ti mabalinda nga alaen.
Inlawlawagna a maisuro met kadagiti Grade 11 ken Grade 12 students dagiti maibilang nga in demand a kurso babaen kadagiti educational institutions.
Innayonna a dagiti kangrunaan a mangal-ala ti empleadoda ket dagiti Business Process Outsourcing Companies ken dagiti Retail Establishments.
