LAOAG CITY – Nauram ken naaddaan ti nagsasaruno a panagbettak ti Singapore-flagged cargo ship Wan Hai 503 bayat nga agturong iti Mumbai, a nangitunda ti pannakatnag ti 40 a container iti Arabian Sea ken timmapwak ti sumagmamano a crew iti baybay tapno makalasat.
Segun ken ni Shekhar Kuriakose ti Kerala State Disaster Management Authority, napasamak ti insidente sumuruk-kumurang a 144 a kilometro manipod iti kabaybayan iti Kerala, India.
Saan pay a masinunuo no ania a klase iti kargamento ti karga dagiti container, ken agtultuloy ti imbestigasyon no ania ti makaigapu dagiti napasamak a panagbettak.
Maipalagip a maysa a container vessel ti naarinebneb iti nasao met laeng a rehiyon iti napalabas a bolan a nangitunda ti panagbagsak ti 100 a containers iti baybay, ngem awan ti naireport nga oil spill.
