LAOAG CITY – Naisalakan dagiti 22 a crew members ti maysa a cargo ship kalpasan a nauram iti kabaybayan a sakupen ti Alaska.
Ti Liberia-flagged ship a Morning Midas ket naggapu iti Yantai port idiay China ken agturong koma idiay Lazaro Cardenas, Mexico idi nauram daytoy.
Addaan daytoy ti karga a tallo a ribu a lugan pakairamanan ti 800 nga electric cars.
Basar iti operator dayoy a Zodiac Maritime, napilitan nga ibakwit isuda ti United States Coast Guard gapu ta saandan a makontrol ti kinadakkel ti apoy.
Nangipatulod ti United States Coastguard dagiti aircrew ken cutter ship tapno masebseban ti uram.
