LAOAG CITY – Kinumpirmaran ti Russia ti pannakaarinebneb ti cargo ship-da iti Mediterranean Sea.
Basar iti Russian Foreign Ministry a naarinebneb ti Ursa Major cargo ship iti abagatan a paset ti Spain.
Sakbay ti pannakaarinebneb ket nakangngeg dagitoy ti napigsa a panagbettak iti engine room.
Naammoan a natalged dagiti 14 a crew ken naikabil iti pantalan ti Spain.
Ti Ursa Major ket flagship vessel a kukua ti Oboronlogistika a maysa a shipping company a mangipatpatulod kadagiti cargo ti Defense Ministry ti Russia.
Agturong koma idiay Vladivostok, Russia ti barko ken addaan ti dua a dakkel a cranes a mausar para iti panagaramid ti pantalan iti lugar.
Agtultuloy nga am-ammoen dagiti otoridad ti namunganayan ti pannakaarinebneb ti barko.
