LAOAG CITY – Inlawlawag ti aktres a ni Carla Abellana ti rason no apay a naitaray isuna iti ospital iti napalabas a bulan.
Inbatadna nga iti tallo nga aldaw nga adda daytoy iti ospital ket dandani isuna a nagka-sepsis.
Naammoan a naaddaan daytoy ti kumplikasion ti kidney stones ken urinary tract infection (UTI).
Nagpakaasi daytoy nga agawid lattan kalpasan ti tallo nga aldaw iti ospital gapu ta mailiw isuna kadagiti asona ken adda pay trabahona.
Kalpasan nga awanen ti infections ken clear ti x-ray-na ket napalubusan isuna nga agawiden.
Maipalagip nga idi Agosto ket na-confine ti sumagmamano nga aldaw ti aktres no sadinno a saanna dagus nga inbaga ti maikagapu ti pannaka-confine-na.
