LAOAG CITY – Inbatad ti aktres a ni Carla Abellana a nakasaganan iti posibilidad nga agayat manen.
Maipalagip a sipud nagsina da Carla ken ti dati nga asawa na a ni Tom Rodriguez idi tawen 2022 ket inpamaysan ti aktres ti nangtutuk iti karera ken ti personal a biagna.
Iti baet a nakasaganan ni Carla iti posibilidad a mainlove manen, ket itaklin na amin iti Diyos no ania dagiti plano na para kenkuana para ita a tawen.
Innayon na a no ania ti kayat ti Diyos nga ipaay kenkuana ket saanna a mabalin a pagkedkedan gapu ta ad-adda nga agtalek kenkuana.
Kabayatanna, inadmitir ni Carla nga idi kasinsina da ken ni Tom ket adda dagiti nanggandat nga agrayo kenkuana ngem kadagitoy ket awanen.
