LAOAG CITY – Naideklarar kas ni Carlo Acutis, ti agtawen ti 15 nga Italiano a maibilang kas “God’s influencer,” iti maysa a canonization mass nga indaulwan ni Pope Leo XIV iti St. Peter’s Square, Vatican City.
Ni Carlo ket natay idi 2006 gapu iti sakit a leukemia.
Mabigbig daytoy iti kinauneg ti pammati na ket panagusar ti teknolohiya tapno isaknap ti debosyon na iti Eukaristiya. Iti naganos paylaeng a tawen na ket nakabukel ti website a nangi-dokumento ti nasurok a 100 a milagro mainaig iti Eukaristiya.
Naamoan a dua a milagro ti binigbig ti Simbaan Katolika a naikonektar ken ni Carlo, umuna ket ti panagimbag ti maysa nga ubing a Brazilian manipod iti rare pancreatic disorder, ket ti milagro a panagimbag ti maysa nga estudyante a Costa Rican manipod iti nakaro nga head injury kalpasan a nakararagan iti tanem ni Carlo.
Basar iti ina na, ni Carlo ket maysa a normal nga ubing a mahilig iti video games ken soccer, ngem nakasetro ti puso na para iti Diyos.
Naitabon ti bangkay ni Carlos idiay Assisi, Italia a pagtaengan ni San Francisco ti Assisi no sadinno a naitabon daytoy a nakasuot iti maong, sneakers, ken hoodie, ti inaldaw a kawesna.
Ti canonization ni Carlo ket sungbat ti simbaan iti awag para iti moderno a kinasanto iti baet ti moderno a panawen, nangruna kadagiti agtutubo.
