LAOAG CITY – Nagkallaysan ti showbiz couple nga isuda Carlo Aquino ken Charlie Dizon.
Naiyuswat ti panagkallaysa dagiti dua iti maysa a private resort idiay Silang, Cavite.
Inatendaran daytoy dagiti nasinged a pagayamda dagiti dua iti industria ken ti pamiliada.
Nagbalin a naulimek ti dua iti kasarda no sadino saandan nga inpublikar ti petsa.
Arig double celebration ti kasar ken ni Charlie gapu ta napadayawan isuna kas Best Actress Award iti 47th Gawad Urian para iti pelikula a Third World Romance.
Idi Pebrero ket pimmutok ti damag nga engaged dagitoyen kalpasan a nakita a nakasuot ti singsing ti aktres ngem naglibakan ti aktor.
Indanon met ti nabara a panangkablaaw dagiti fans ken kakaduada iti showbiz kalpasan a naipadamag a nagkallaysan dagiti dua.
