LAOAG CITY – Siguradon ti bronze medal iti 2026 Asian Games ni Pinoy boxer Carlo Paalam.
Daytoy ket kalpasan nga inabak na iti quarterfinals ni Zhang Jiamao ti China iti babaen ti split decision.
Nagbalin a dakkel a karit para iti agtawen ti 28 a boksingero ti laban na ken ni Zhang ngem nalapdan na ti panagbalin nga agresibo ti Chinese boxer apaman a nadanon ti maikatlo a round.
Ni laeng Paalam ti kakaisuna a boksingero ti pagilian a makaiyawid ti medalya iti 2026 Asian Games.
Sumaruno a makasango ni Paalam iti semifinal round ti 55kilogram ni Makhmud Sabyrkhan ti Kazakhstan.
