LAOAG CITY – Nagballigi da Carlo Paalam ken Hergie Bacyadan iti Team ‘Pinas iti agduma a laban iti World Olympic Boxing Qualification Tournament iti Hua Mark Indoor Stadium idiay Bangkok, Thailand.
Ti sumaruno a 33rd Summer Olympic Games 2024 ket maiwayat inton July 26 agingga August 11 idiay Paris, France.
Maipalagip a nagabak ni Paalam iti 5-0 a unanimous decision win para iti men’s 57-kg. (bantamweight) division semifinals kontra ken ni Sachin Siwach iti India a nangitunda ti isusubli na iti quadrennial sportsfest.
Bayat nga isu met laeng ti nagbalin a resulta iti laban ni Bacyadan kontra ken ni Maryelis Yriza ti Venezuela iti women’s 75 kgs (middleweight) quarterfinals bout, a nangitunda ti puntos na para iti Paris Games.
