LAOAG CITY – Saan pay laeng a maaddaan ti gangganaet a coach ni two-time Olympic gold medalist Carlos Yulo.
Inbatad ni Gymnastics Association of the Philippines President Cynthia Carrion nga agtalinaed pay laeng ti long-time local coach daytoy a ni Aldrin Castaneda.
Kunana nga agsagsagana ni Yulo ken ti local coach-na para iti balligi a pannakipasetna iti Los Angeles 2028 Olympics.
Inlawlawagna a nakalukat met ti ridaw iti grupona iti asinoman a gangganaet a coach nga interesado a mangiburay ti ammoda.
Agbakasion pay laeng ni Yulo idiay Australia inton Oktubre 8 ken kalpasanna ket agturong daytoyen idiay Tokyo inton Oktubre 14 agingga 18 tapno itultuloy ti panagsanayna.
Adalenda pay no ania a torneo ti pakipartisiparanna inton sumaruno a tawen kas ti World Championships idiay Jakarta ken iti SEA Games idiay Bangkok, Thailand.
