LAOAG CITY – Plano ita ti double Olympic gold medalist a ni Carlos Yulo a makita ti dati a coach-na a ni Munehiro Kugimiya.
Ni Kugimiya ti coach ni Yulo manipud 2016 agingga 2023 a timmulong kenkuana nga agbalin a world-class gymnast.
Kinuna ni Yulo a kayatna nga ited ti pammigbig iti dati a coach gapu ta isu ti nangsukog kenkuana.
Saan pay a masigurado no makaduana manen iti dati a coach-na kadagiti sumaruno a panagsanayna.
Mainaiag iti daytoy, mabalin nga inton bulan ti Nobiembre ket bisitaen ni Yulo ni Kugimiya idiay Japan idinto a ni Aldrin Castaneda ti agdama a coach-na.
Namnamaenna a maaddaan ti Team Yulo iti masungad nga Olympics 2028 no sadinno a makaduana dagiti kakabsatna.
Kabayatanna, ti kabsatna a ni Karl Eldrew ket nangabak kadagiti balitok a medalya iti nagduduma nga international gymnastics bayat a ti inaudi a kabsatda a babai a ni Elaiza, ket nangabak met kadagiti balitok a medalya iti napalabas a 2024 a Palarong Pambansa a naangay idiay Cebu.
