LAOAG CITY – Napili ti Filipino gymnast a ni Carlos Yulo kas 2024 Athlete of the Year babaen ti Philippine Sportswriters Association gapu iti pannakagun-odna iti balitok a medalya iti 2024 Paris Olympics.
Malaksid iti daytoy, nangabak pay ni Yulo kadagiti balitok a medalya para iti indibidual nga all-around, floor exercise, vault, ken parallel bars events ti Asian Championships idiay Tashkent, Uzbekistan.
Isuna pay ti kaunaan a gymnast manipud Manila a a naikkan iti Athlete of the Year recognition kalpasan ni Pia Adelle Reyes idi 1997.
Kabayatanna, mabigbig ni Yulo babaen ti feat inton Enero 27 iti tinawen nga awards night ti Philippine Sportswriters Association. Malaksid iti Athlete of the Year, mangiaay pay ti Philippine Sportswriters Association kadagiti premio kas iti NSA of the Year, Major Awardees iti dadduma pay nga isports, President’s Award, Executive of the Year, citations, Tony Siddayao Awards, ken Hall of Fame ken Special Recognition to Filipino athletes para kadagiti atleta a nakisalip iti 2024 Paris Olympics ken Paralympics.
