LAOAG CITY – Nagpakitang-gilas ni Carlos Yulo iti dua a pet events-na iti men’s gymnastics individual qualification iti 2024 Paris Olympics iti Bercy Arena.
Inpakita ti agtawen iti 24 a Filipino gymnast iti paboritona a floor exercise ken nakairekord ti 14.766 a puntos, provisionary second spot iti nasao nga event.
Immuna iti floor exercise ni Jake Jarman ti Great Britain, nga addaan ti 14.966 a puntos.
Nakastrek payen ni Yulo iti final round ti floor exercise ken gymnastics vault no sadinno a provisionary sixth spot daytoy iti vault event.
Iti agdama, adda iti maikawalo a puesto ni Yulo iti all-around ranking no sadinno 24 nga umaayam ti umabante iti finals.
Nupay kasta, narigatan ni Yulo iti pommel horse (13.066), rings (13.000), parallel bars (14.533) ken horizontal bar (13.466) ken saan a makaabante iti final round kadagiti uppat nga apparatus daytoy.
