LAOAG CITY – Nagun-od ni Filipino artistic gymnast Carlos Yulo ti gold medal iti parallel bars final ti 2024 FIG Artistic Gymnastics Apparatus World Cup series idiay Doha, Qatar idi Sabado, Abril 20.
Nakaala ni Yulo ti iskor a 15.200 bayat ti maikadua ket ni Hung Yuan-Hsi ti Chinese Taipei a nakagun-od met ti iskor a 14.966.
Ti maikatlo ket naggapu iti pagilian a Brazil a ni Caio Souza no sadino nakaala daytoy ti 14.566 nga iskor.
Immuna iti daytoy, nagun-od ni Yulo ti silver medal iti men’s vault kalpasan a nakaala ti iskor a 15.066 a saan met nga umadayo iti 15.166 nga iskor idi nakagun-od ti gold ni Artur Davtyan ti Armenia.
