LAOAG CITY – Naipaayan ti Medal of Excellence ti Senado ni Pinoy Gymnast Carlos Yulo kalpasan a nagballigi ti dua a balitok a medalya idi Paris Olympics.
Malaksid iti pammigbig ket nakaawat pay ni Yulo ti P3 milyon a cash incentives.
Personal nga inyawat ni Senate President Francis ‘Chiz’ Escudero ti Medal of Excellence a nangrugi idi 2021 idi magun-od ni Pinay weightlifter ti umuna a balitok a medalya iti Olympics idiay Tokyo.
Nakaawat met ti sag-P1-milyon da Olympic bronze medalist Nesthy Petecio ken Aira Villegas iti benneg ti boksing.
Naammoan nga adda ti uppat a resolusion ti inpasa ti Senado idi plenary sessions tapno kablaawan da Yulo, Villegas, Petecio ken iti sibubukel a Philippine team, Philippine Olympic Committee ken Philippine Sports Commission para iti naballigi a panagay-ayam.
