LAOAG CITY – Adda iti agdama idiay Japan ni Paris Olympic Games double-gold medalist Carlos Edriel Yulo tapno pagyamanan na dagiti timmulong kenkuana tapno magun-od na ti arapaap na.
Binisita ni Yulo ti Tokushukai Gymnastics Club no sadinno a nakapulapol na dagiti gymnasts nga agsansanay iti lugar.
Maysa ti Tokushukai Gymnastics Club kadagiti nangasa iti kabaelan ni Yulo.
Mangnamnama ni Yulo a makapagsanay manen iti nasao a club iti panagsagsagana na para iti dakdakkel nga international tournaments iti sumaruno a tawen.
