LAOAG CITY – Target ni two-time Olympic champion Pinoy gymnast Carlos Yulo a gun-oden ti kaunaan a balitok a medalya iti Asian Games a maisayangkat iti Aichi-Nagoya, Japan intono Setyembre.
Makilaban ni Yulo iti men’s artistic gymnastic competition no sadinno a makadwa na ti kabsat na a ni Eldrew Yulo ken sumagmamano a Pinoy gymnasts a da Justine Ace De Leon, Miguel Besana ken Zachary Cortins Nunez.
Uray addan ti 12 gold medals iti Asian Championship ket saan pay a nakaala ti balitok a medalya ni Yulo iti Asian Games.
Idi 2018 Asian Games ket indaulwan ni Yulo iti qualification ti floor exercise ngem nagbalin laeng a maikapito iti pwesto iti final.
Saan a nakaay-ayam ti Filipino gymnast idi 2023 Asian Games iti Hangzhou, China kalpasan a pinili na ti nagay-ayam iti World Championships iti Belgium.
Nagbalin a paborito iti agdama ni Yulo kalpasan a nangabak iti Asian Games floor exercise ken vault category.
