LAOAG CITY – Nagballigi dagiti otoridad a nangarestar iti maysa nga carwash boy iti naiwayat a drug buy bust operation iti Brgy. 2, San Baltazar iti ili ti San Nicolas.
Ti suspek ket agtawen 29, awanan ti asawa, taga Sinamar Sur San Mateo, Isabela ngem agdama nga agnanaed iti Brgy. 2, San Baltazar iti ili ti San Nicolas.
Kinemmeg a dagus dagiti otoridad ti suspek kalpasan a naglako ti maysa nga heat sealed transparent plastic sachet a naglaon ti maatap a shapu iti nagpammarang a police poseur buyer.
Nakumpiskar manipud iti suspek ti maysa nga heat-sealed transparent plastic sachet a naglaon ti maysa a gramo ti maipagarop a shabu a mapatta-patta nga addaan ti Standard Drug Price (SDP) a P6,800.00; maysa a genuine One Thousand Peso (P1,000.00) a nausar iti operasyon, maysa a brown coin purse, lighter, ken maysa a kaha ti sigarilyo.
Naamoan a ti nasao a suspek ket maibilang kas Street Level Individual.
