LAOAG CITY – Manamnama a maiyestablisar ti catheterization laboratory iti Mariano Marcos Memorial Hospital and Medical Center iti siudad ti Batac.
Segun kenni Dr. Exequielson Tumaneng, General ken Interventional Cardiologist iti nasao nga ospital, daytoy ket maysa nga special unit ti ospital no sadino adda dagiti Doktor a dimmalan iti training tapno agserbi a mangbayabay kadagiti pasyente.
Babaen iti daytoy, kuna na a maduktalan dagiti Doktor ti invasive tests ken proseso iti puso ken ti panagtaray ti dara iti bagi.
Gapu iti daytoy, maammoan ti umiso nga impormasion iti diagnosis ken treatment ti cardiovascular disease.
Inbatad na a dagiti mausar iti nasao a laboratoryo ket ti tiny, flexible tubes a maaw-awagan ti catheters nga usaren imbes ti surgery tapno ma-access ti puso ken blood vessels.
Innayonna a sumagmamano kadagiti proseso a maidalan ditoy ket ti coronary angiography, angioplasty, intra-aortic balloon insertion, diagnostic arteriography, venography, coronary stent placement, pacemaker insertion wenno internal cardioverter defibrillator implantation, hemodynamic study ken dadduma pay.
