Mailaklako itan iti online market dagiti bukel ti cat’s eye dazzle plant.
Adu a tattao ti mangsapsapul iti daytoy a naisangsangayan a mula ken makita a kasla pusa ti langana daytoy no sadinno makita nga addaan kadagiti mata, lapayag, ken ngiwat.
Naiduma met ti kolorna daytoy, adda ti puraw addaan ti nalabbaga wenno no dadduma ket kahel ken asul.
Mainaig iti daytoy, idi napan nga Abril 17, 2024, nai-post online iti maysa nga online store nga addaan ti nagan a StorieSpot iti nagdumaduma a ladawan ti cat’s eye dazzle iti National Geographic Wild Planet.
Gapu iti daytoy, magatang dagiti bukel ti mula iti nadakamat nga online store ken uray kadagiti legit online stores kas iti eBay ken Etsy.
Ti presio ti bukel ti mula ket manipud iti US$15 wenno nasurok PHP800 agingga iti US$30 wenno nasurok PHP1,700 ti maysa a pakete.
Nupay kasta, natakuatan nga awan ti pakanaigan ti National Geographic Wild Planet iti cat’s eye dazzle ken napaneknekan nga saan a pudno nga agsinan pusa ti sabong ti mula.
Kabaytanna, natakuatan pay nga naaramid laeng ti cat eye’s dazzle plant babaen ti Artificial Intelligence.
