LAOAG CITY – Inpasigurado ni Dr. Melvin Manuel, mangidadaulo iti City Disaster Risk Reduction and Management Council ti kaadda dagiti life guard kadagiti pagpicnican ditoy siudad ti Laoag kas kadagiti baybay, karayan ken uray kadagiti resorts.
Segun kenni Manuel, adda dagiti nagtraining nga opisyal ti barangay partikular dagiti asideg iti baybay a kadua da ken agserbi a first responder.
Nagpanawagan ni Manuel iti saan a panagbaybay-a kangrunaan kadagiti agin-inom a saan dan nga aginlalaing a mapan agdigos no nakaiunumen dagitoy ken saandan nga agmaneho no addan dagitoy iti inpluwensiya ti nasanger ken uray iti panagiturturong ti behikulo.
