LAOAG CITY – Naiget ti panangtutuk ti City Disaster Risk Reduction and Management Council (CDRRMC) dagiti coastal areas ditoy ciudad ti Laoag.
Karaman ditoy iti Barangay Caoacan, Metro Gabu, Metro Lapaz ken dadduma pay.
Daytoy ti inbatad ni Doctor Melvin Manuel, ti mangidadaulo iti CDRRMC ditoy ciudad ti Laoag iti possible nga iduduprak ti bagyo ditoy bukod a lugar.
Inaramid na daytoy bayat iti taripnong iti DepEd, Search ken Rescue Team, Pugad-lawin, CSWD ken dadduma pay a maseknan nga ahensya.
Inpasingked ni Manuel nga adda dagiti makaumanay a relief goods a maibunong kadagiti maapektaran ken isagsagana da metten dagiti pagadalan nga agserbi nga evacution centers no kumaro ti sitwasyon.
