LAOAG CITY – Inpakaammo ni Dr. Melvin Manuel, mangidadaulo ti City Disaster Risk Reduction and Management Office ditoy siudad ti Laoag nga adda ti maiyuswat a WASAR wenno Water Search and Rescue Activity.
Inbatadna a daytoy ket babaen ti pannakikoordinarda iti Philippine Coast Guard.
Mamati ni Manuel a dakkel a makatulong daytoy a panagsanay tapno maaddaan ti impormasion dagiti residente wenno maipaadal kadakuada dagiti rumbeng nga aramiden no adda ti drowning incident iti lugar.
Kunana a dagiti masanay nga indibidual ket agbalinto a katulunganda nga agresponde kadagiti pasamak.
Inlawlawagna a saan laeng ti pannakalmes no diket maisuro pay kadakuada dagiti aramidenda no adda ti layos nangruna ket masansan a makapaspasar ti siudad kadagiti bagyo ken layos.
Innayonna a maiyannatop daytoy nga aktibidad iti City Ordinance nga Integrated Water Safety.
