LAOAG CITY – Inbatad ni Dr. Melvin Manuel, mangidadaulo ti City Disaster Risk Reduction and Management Office (CDRRMO) ditoy siudad ti Laoag a nakasaganan dagiti equipment nu bilang mapasaran ti La Niña.
Kuna na a dimmalan iti naiget a training dagiti kameng ti CDRRMO pakairamanan dagiti barangay officials para iti naannayas a panagresponde nu bilang mapasaran ti napigsa a panagtudtudo.
Mainaig iti daytoy, inpakaamo na a naiget ti pannakikoordinar na iti PAGASA tapno maamoan ti binulan a porsyento ti danom a maitudtudo.
Innayun na a nu pay saan pay a marikna ti La Niña wenno panagtutudo iti daytoy a gundaway ket nasken nga agsagana.
