LAOAG CITY – Nairakurak a ni Mayor Ceasar Soriano ti Siocon, Zamboanga del Norte ti producer ken maysa kadagiti direktor ti In Thy Name, ti pelikula a pagbidaan ni McCoy de Leon.
Daytoy ket maipanggep iti kinabannuar ken kamartiran ni Fr. Rhoel Gallardo a napapatay idi Mayo 3, 2000 dagiti miembro ti Abu Sayyaf iti Basilan.
Naammoan a dati a news reporter ni Soriano iti Kapamilya Network.
Mainaig iti daytoy, uray public servant isuna ket kalikagumna ti panangaramid ti true-to-life films gapu ta mariknana pay laeng ti panagbalinna a journalist.
Kabayatanna, naminsan a nagbalin isuna a biktima ti kidnapping kas ken ni Fr. Gallardo isu nga asideg iti pusona ti estoria ti pelikula.
