LAOAG CITY – Nagpanawagan ti beterana a singer a ni Celine Dion iti panagwaras dagiti kanta na aramid ti Artificial Intelligence wenno AI nga agwarwaras iti internet.
Segun iti Canadian singer a dagiti nasao a kantana nga aggapu iti Artificial Intelligence ket saanna nga inaprobaran.
Nupay kasta, saannan nga innaganan no ania a kompania ken kanta nga aramid iti Artificial Intelligence.
Maipalagip nga idi Abril 2024 ket nagpirma ti open letter kontra kadagiti pangta ti Artificial Intelligence iti music industry dagiti sumagmamano a nalatak a singer kas kada Billie Eilish, Kacey Musgraves, J Balvin, Ja Rule, Jon Bon Jovi, The Jonas Brothers, Katy Perry ken Miranda Lambert.
