LAOAG CITY – Nagun-od ti Boston Celtics ti umuna a balligida iti iksor nga 114-94 kontra iti Miami Heat iti first round dagitoy ti Eastern Conference playoffs.
Nairekord ni Jayson Tatum ti umuna a career playoff triple-double nga addaan ti 23 points, 10 rebounds ken 10 assists.
Nangnayon met ni Derrick White ti 20 points ken uppat nga assists.
Saan met a pinaay ti Boston dagiti fans-da a nagbuya iti TD Garden no sadino adda ti 22 kadagiti three-points ti nairekordda.
Ngimmato pay iti 34 points ti nagbalin a lamang ti Cetics iti last quarter ken napababa daytoy ti Heat iti 14 points.
Nasayang met ti inaramid a 24 points ni Bam Adebayo nga isu ti nangtulong ken ni Heat star Jimmy Butler a nagsagaba ti sugat iti akinkannawan a tumengna.
Maipalagip nga iti napalabas a tawen ket inabak ti Heat ti Celtics iti conference finals no sadino bimmangon isuda iti 3-0 ken naala ti panangabak iti Game 7.
