LAOAG CITY – Napatawan ti $25,000 a multa ni Boston Celtics star Jaylen Brown kalpasan ti inaramidna a throat-slashing’ gesture.
Napasamak ti insidente idi ag-dunk daytoy iti sangoanan ni Detroit Pistons forward Isaiah Stewart.
Kalpasan ti poster-dunk-na ken ni Stewart ket ditoy nga inaramidna ti “throat-slashing” gesture banag a nadismaya ti NBA.
Saanen a nakigtot ni Brown ti panangmulta kenkuana gapu ta ammona ti mabalin a sangoenna a pannusa.
Naammoan a ni Brown ket nagpirma ti lima a tawen a kontrata iti Celtics nga agbalor ti $304 milyon.
