LAOAG CITY – Mangisayangkat ti City Environment and Natural Resources Office ti nagduduma nga aktibidad kagiddan iti panangselebrar ti Zero Waste Month ita a bulan ti Enero.
Segun ken ni Mrs. Mylene Pascual, mangidadaulo iti nasao nga opisina, karaman kadagiti maiyuswat nga aktibidad ket ti panagsursorda kadagiti nagduduma a barangay ditoy siudad ti Laoag para iti pannakiyimplimentar ti Kalinisan Day.
Inbatadna a malaksid iti daytoy, adda pay ti maangay a panagtataripnong kadagiti umili iti amin a barangay ditoy siudad tapno maisuro kadagitoy ti maipanggep iti waste segregation ken pannakatagiben iti aglawlaw.
Kunana a babaen iti daytoy a programa ket maipasigurado ti agtultuloy a panangprotehir ken kinadalus iti aglawlaw.
