LAOAG CITY – Patien ni Ms. Mylene Pascual, mangidadaulo ti city environment and natural resources office ditoy ciudad ti Laoag, a dakkel a tulong ti nayon a pagbasuraan kadagiti pagtaengan tapnu masurot a nasayaat ti umiso a waste segregation.
Kuna ni Pascual a nu maymaysa laeng ti pagbasuraan iti pagtaengan ket dakkel ti tyansana nga agtitipon dagiti nagduduma a klase ti basura.
Ket nu adda mailatang a pagbasuraan para ti Plastic, bote, papel ken nagduduma pay a klase ti basura nangruna kadagiti saanen a mausar ken dagiti mabalin a mairecycle ken ilako.
Innayon na a babaen iti daytoy a wagas ket dakkel a tulong para iti sanitary landfill ti siudad nga agbalin a naurnos ken saan nga agbalin a kas iti dumpsite.
