LAOAG CITY – Plano a mapaserraan ti sanitary landfill iti Brgy. Lagui-Sail ditoy ciudad ti Laoag gapu iti nakaam-amak a sitwasyon ti nasao a landfill.
Segun kenni Mrs. Noemi Ruadap, ti OIC CENRO ditoy ciudad, daytoy ket maipatungpal kalpasan ti panawen ti panagtutudo.
Kunana nga apaman a mapaserraan ti sanitary landifill ket mangaramat da ti residual containment area a dagiti residual wastes laeng ti kolektaren dagiti garbage collector.
Innayon na a mangiyuswat da ti taripnong kadagiti opisyal ti barangay tapno maimpormaran da a nasayaat para iti nasao a plano.
