LAOAG CITY – Nakagun-od ti baro a world record ti maysa a retirement home idiay Italy kalpasan a nagkakadua ti 70 a tattao nga agtawen iti 100 ken agpangato.
Kinumpirmaran ti records keeping organization a Guinness World Records a ti retirement home a Fondazione Opera Immacolata ti baro a record holder ti titulo a “Largest Gathering of Centenarians.”
Daytoy ket kalpasan a napagkukuyogda dagiti 70 a centenarians.
Basar kadagiti centenarians, nadanonda ti tawenda a 100 ken agpangato gapu iti masansan a panagehersisio, panagbasa ti libro ken sumursurot iti healthy diet.
