LAOAG CITY – Ballaigi ti naisayangkat a “ceremonial lighting” iti “light show” iti kapitolyo probinsiyal.
Indauloan daytoy dagiti opisyales ti probinsiya babaen ken ni Vice Gov. Angelo Marcos Barba ken ni Dingras Mayor Erdeo Valenzuela, Pres. ti Leauge of Muncipalities (LMP).
Mainaig iti daytoy, naruay nga umili ti maragsakan gapu iti buya a makita da tunggal masilawan dagiti nasao a silaw.
Naamuan a rinabii a mabuya daytoy kageddan iti pannakaipatukar ti sonata a kageddan ti panagbaliwbaliw dagiti silaw karaman dagiti kolor na.
Makabulan a makita daytoy iti kapitolyo probinsiyal kas paset pay laeng ti bi-centenial celebration ti Ilocos Norte.
