LAOAG CITY – Naglikudan ni House Committee on Overseas Workers Affairs Chairman Jude Acidre ti Tingog Party-list dagiti alegasion nga inranta ti Kamara de Representantes nga ibaybayag ti pannakatratar ti impeachment complaint kontra ken ni Vice President Sara Duterte iti Senado.
Kinontra ni Acidre ti rakurak ni Sen. Cynthia Villar nga inbaybayag ti Kamara ti panangipasa ti Articles of Impeachment ken inlawlawagna ti proseso ti impeachment iti Kongreso ket naiget nga adalen ken saan nga iyal-
Kunana a nasken nga ammo dagiti Senador a dati a miembro ti Kamara ti kumplikado a proseso ti impeachment.
Inbatad ni Acidre, ad-adda pay a nabaybayag no naipadalan daytoy iti nakadawyan a proseso iti panagdengngeg ti House Committee on Justice.
Inpettengna a ti naiget a suporta dagiti miembro ti Kamara ti nagbalin a rason ti alisto a proseso banag a maikanniwas a naitantan daytoy.
Inbatadna a ti sibubukel a proseso ti impeachment ket naisayangkat a nalawag ken naisaguday iti Konstitusion tapno maipasigurado ti pangibasaran ti kaso.
Inpalagip ni Acidre kadagiti Senador a responsibilida dagitoyen nga insigida nga agtignay iti kaso ti impeachment nga imbes a kwestionaren ti proseso ti Kamara.
Inallukoyna ti Senado nga agsentro iti merito ti kaso nga imbes a makiraman iti political rhetoric mainaig iti procedural matters a napagdesisionanen.
