LAOAG CITY – Kalikagom ni Sang. Bayan Member Efren Butay, Chairman ti Committee on Education iti ili ti San Nicolas a bayadan ti lokal a gobierno dagiti authorized contribution dagiti agad-adal iti elementary ken sekondarya.
Nupay kasta, nai-archive pay laeng ti lungalong gapo ta masapol a mangkitada ti pondo para iti daytoy.
Inlawlawag na a segun ti finance committee ket masapol a karaman daytoy iti Annual Investment Plan tapno mapondoan para ti tawen 2026.
Kabayatanna, kunana nga immanamong a maitantan pay laeng daytoy iti innem a bulan gapo ta adda met ti pondo dagiti pagadalan manipod ti educational support fund.
Innayon na a no awan makaumanay ket ilungalong nanto manen daytoy tapnu maiyimplementar.
