LAOAG CITY – Mamati ni Mr. Jhon Santiago – Chairman ti San Nicolas Jeepney Operators Transport Cooperative a marigatan dagiti commuter iti panaka-establisar ti Central Terminal Hub iti asideg ti Provincial Engineering Office ditoy ciudad ti Laoag.
Daytoy ket kalpasan a kalikagom ti gobierno probinsyal nga urnosen dagiti terminal ditoy ciudad ken saanen a mapalubosan nga usaren dagiti kalsada a kas terminal.
Segun ken ni Santiago, marigatan dagiti pasahero gapu ta adayo ti pakaipasdekan ti terminal no sadinno a kasapulan pay laeng nga agtricycle dagiti pasahero no mapan da iti sentro ti ciudad ken ken dakdakkel ti mabalinda a pagplete.
Kunana a mabalin pay a pilyen dagiti pasahero nga agtricycle lattan ngem iti aglugan iti jeep.
Gapu iti datoy, ket kiniddaw ni Santiago a ma-regulate dagiti tricycle nga agturong iti ili ti San Nicolas
No man pay kasta ket umanamong ni Mr. Santiago iti panaka-establisar ti Central Terminal Hub gapu ta awan met ti permanente a terminal ti kooperatibada.
