LAOAG CITY – Opisyalen a nagretiro iti basketball team ti all-time leading scorer ti Charlotte Hornets a ni Kemba Walker.
Ni Walker namin uppat a daras a nagay-ayam iti NBA All-Star iti uneg ti 12 season.
Isuna ket nagay-ayam iti walo nga agsasaruno a panawen iti Hornets manipud idi 2011 aginggana idi 2019 ken immakar iti Boston Celtics idi 2019 ken nagtalianaed daytoy agingga idi 2021 sakbay nga immakar iti New York Knicks.
Manipud iti Knicks isu ket immakar manen iti Dallas Mavericks idi 2022 agingga 2023.
Maysa ti 6-foot guard kadagiti kalatakan a point guard iti intero a NBA gapu iti kinasiglat ken napintas a shooting performance-na.
Bayat ti karerana iti NBA, nagtalinaed isuna iti average na a 19.3 ppg.
Mainaig iti daytoy, nagyaman met ti seasoned guard iti lubong ti NBA kadagiti napipintas nga opirturnidad.
Kinunana nga adu ti naaramidan ti basketball para kenkuana ken dina pulos impagarup a maragpatna dagiti banag nga inaramidna bayat ti panagay-ayamna.
Iti panagretirona, makikadua ni Walker ken ni coach Charles Lee iti Hornets kas player enhancement coach.
