LAOAG CITY – Naminsan manen a naipaima iti Chinese chef a ni Li Enhai ti Guinness World Record title a “Thinnest Handmade Noodles” kalpasan ti record attempt-na iti maysa nga Italian TV show idiay Milan, Italy.
Iti programa a Lo Show Dei Record, inpakita ni Enhai ti kinalaingna nga agaramid ti noodles nga adda ti rukodna a 0.18 millimeters nga arig kapuskol laeng ti buok.
Dati a nagun-oden ni Enhai daytoy a rekord ngem naagaw daytoy iti sabali a chef a nakaaramid met ti kaimpisan a noodles.
Iti panagsublina, naminsan manen a pinaneknekan ni Enhai ti kinalaingna ken pannakagun-odna ti baro a world record para iti kaimpisan nga handmade noodle.
Saan daytoy ti umuna a gundaway a nangaramid ni Enhai ti pakasaritaan iti lubong ti noodles.
Idi 2009, naitampok isuna ti Guinness Book of Records kalpasan a nakaaramid ti longest noodles nga adda ti kaatiddogna a 2,852 a metro babaen ti maysa a kilo nga arena.
Naammoan a naisayangkat ti panaglukat daytoy iti maysa nga hotel idiay Keshikten, Northern China.
