LAOAG CITY – Nakoronaan ni Chelsea Manalo iti Bulacan kas Miss Universe Philippines 2024!
Nagpannuray ti kinalaing ken kinapintas ni Manalo kadagupan kadagiti 52 pay a kandidata bayat ti coronation night a naiyuswat iti Mall of Asia Arena idi rabii.
Mismo a ni Miss Universe Philippines 2023 Michelle Dee ti nangipaay ti korona ken ni Manalo.
Gapu iti daytoy, irepresentar na ti Pilipinas iti Miss Universe a maangay idiay Mexico.
Kabayatanna, nagbalin ni Stacey Gabriel iti Cainta kas first runner-up; second runner-up ni Ahtisa Manalo iti Quezon Province, third runner up ni Tarah Valencia iti Baguio ken 4th runner up ni Christi McGarry iti Taguig.
Mainaig iti daytoy, kalpasan laeng ti pannaka-korona ni Manalo kas Miss Universe Philippines 2024 ket inwaragawag ti Miss Universe Philippines Organization ti uppat pay a titulo para iti kompetisyon.
Napili ni Alexie Brooks iti Iloilo kas Miss Eco International Philippines 2024, Ahtisa Manalo iti Quezon Province kas Miss Cosmo Philippines 2024, Tarah Valencia iti Baguio kas Miss Supranational Philippines 2024, ken ni Cyrille Payumo iti Pampanga kas Miss Charm Philippines 2024.
Nagserbi kas host iti nasao a beauty pageant da Miss Universe 2022 R’Bonney Gabriel, Alden Richards, Jeannie Mai, Gabbi Garcia, ken ni Tim Yap.
