LAOAG CITY – Nakapasar ti ‘total blackout’ ti Chernihiv City idiay Ukraine kalpasan ti nalawa nga air-strike ti Russia.
Apektado dagiti ginasot a residente iti lugar gapo iti missiles ken drones strikes ti Russia.
Rurumuar nga adda ti uppat a tattao ti natay ken kasta met iti kaabay na nga ili ti Novhorod-Siverskyi ket nairaman.
Daytoyen ti maibilang a maysa kadagiti kagrabean a pannakaadael iti nasao a lugar gapo kadagiti kaudian a panagatake ti Russia.
Gapo iti daytoy ket agtultuloy ti panawagan ni Ukrainian President Volodymyr Zelensky iti kaalyado a pagilyan nga iyalisto ti panangipaay ti armas tapno malabanan da ti Russia.
Umaabot metten iti $16-bilyon ti kabuklan a danyos iti energy infrastructure ti Ukraine sipud nangrugi ti panagatake ti Russia.
