LAOAG CITY – Dinayyeg ti magnitude 7.4 a gingined ti kabaybayan iti paset idiay Chile.
Timmama ti gingined iti 219 a kilometro ti kabaybayan iti siudad ti Ushuaia ti border ti Argentina ken adda ti kaunegna daytoy ti agingga iti 10 a kilometro.
Gapu iti insidente ket nangiruarda ti tsunami warning no sadinno adda ti sumagmamano nga aftershocks a nariknada iti lugar.
Inbilin ni Chilean President Gabriel Boric ti panangibakwit kadagiti residente nga asideg iti lugar.
Naammoan a dumanon iti 1,700 nga indibidual manipud iti Magallanesregion pakairamanan ti 1,000 manipud iti ili ti Puerto Williams ken 500 a tattao manipud iti Puerto Natales ti naibakwit iti nangato a lugar.
