LAOAG CITY – Ikonkonsiderar ti China ti mangipaay kadagiti paltog ken bala iti Russia para iti laban da iti Ukraine.
Daytoy ti inbutaktak ni United States (US) Secretary of State Anthony Blinken.
Segun ken ni Blinken, siguden a mangipapaay dagiti sumagmamano a kompanya idiay Chian ti “non-lethal support” iti Russia.
Nupay kasta, inpakaammo ni Blinken a basar iti baro nga impormasyon na ket inlungalong ti Beijing a mangipaay da ti “lethal support” iti Russia kontra iti Ukraine.
Nagballaag ni Blinken a no aramiden daytoy ti China ket namnamaen ti “serious consequences” nga aramiden ti Estados Unidos kontra iti Beijing.
Kabayatanna, naglikudan ti China ti report a nagkiddaw ti Moscow ti military equipment.
Maipalagip a ni Chinese President Xi Jinping ket napinget a kaalyado ni Russian President Vladimir Putin ngem agpapan ita ket saan pay a nangipaay ti komento seknan iti panangraot ti Russia iti Ukraine no sadinno nga inrakurak na iti kallabes nga agtalinaed a patas kagiddan ti panagpanawagan na para iti kapiya.
