LAOAG CITY – Impapilit ti China nga illegal ken awan serserbi ti 2016 Arbitral Award, a nangdismiss iti nasaknap a claims-na iti mapagsusupiatan a danum ken nangpasingked iti sovereign rights ken jurisdiction ti Pilipinas iti exclusive economic zone.
Iti palawag ti pannakangiwat ti Chinese Embassy idiay Manila idi kalman, inawagan ti embahada ti arbitral award a political circus nga agparparang a legal nga aksyon.
Impasingked pay ti embahada a saanna a bigbigen ken pulos a saan nga awaten daytoy a pammadayaw.
Gapu iti daytoy, ginutigot na ti pagilyan a Pilipinas a respetaren dagiti commitment-na, isardeng ti panangi-hype iti inawaganna nga illegal award ken agsubli iti umno a dalan ti bilateral negotiation tapno narisut ti problema.
Kabayatanna, kagiddan ti pannakarambak ti maikawalo nga anibersario ti historic victory ti Pilipinas iti kaso nga arbitration kontra iti China, pinasingkedan dagiti gobierno ti dadduma a pagilian babaen kadagiti embahadorda ti suportada iti arbitral award a naited iti Pilipinas kas pinal ken legally binding.
