LAOAG CITY – Adda dagiti sumagmamano a tinalantan iti panagbisita ni British Prime Minister Keir Starmer idiay China.
Personal daytoy a nakitaripnong ken ni Chinese President Xi Jinping no sadinno a dagiti sumagmamano a katulagan ket ti panangipalubos kadagiti British citizens nga agbiahe idiay China iti uneg ti 30 nga aldaw nga awan ti visa.
Karaman pay ditoy ti panagkissay ti buis dagiti whisky ti United Kingdom manipud iti dati a 10 a porsiento ket aramidenda laengen daytoy a lima a porsiento.
Kalikagum ti British government a mapapigsa pay ti economic ties-da idiay China.
Ni Starmer laeng ti umuna a British leader a bimmisita idiay China iti uneg ti walo a tawen.
