LAOAG CITY – Kiniddaw ti Beijing iti gobierno ti Taliban a protehiran dagiti umili kalpasan ti nadara a panagbettak iti Chinese restaurant iti ciudad ti Kabul a kabisera ti Afghanistan a nakatayan ti pito a tattao.
Inaramid daytoy ti China babaen ken ni Beijing foreign ministry spokesman Guo Jiakun.
Karaman kadagiti natay ket innem nga Afghans ken maysa a Chinese national.
Malaksid kadagiti natay ket naruay a sabsabali pay dagiti nasugatan iti panagbettak.
Inadmitir ti jihadist group Islamic State (IS) nga isuda ti responsable iti napasamak.
Kabayatanna, ginutigot ti China dagiti kadaraan da a saan nga agturong iti Afghanistan, no sadinno a kontrolado daytoy ti Taliban sipud idi 2021.
