LAOAG CITY – Naglikudan ti China ti timpuar a report a nangipadas da ti maysa a nuclear-capable hypersonic missile.
Inpetteng ni Foreign ministry spokesman Zhao Lijian a maysa a routine testing ti naiyuswat a saan ketdi a missile.
Inlawlawag na a ti gagem da ket tapno makissayan ti magastos ti pannakausar kadagiti spacecraft.
Nangrugi ti pannakaiyuswat ti rountine testing idi bulan ti Hulyo ita a tawen.
Immunan a rimuar iti report ti Financial Times newspaper no sadinno nga inawagan na ti Washington, ken naklaat ti US intelligence.
Rumrumwar a ti hypersonic missiles ket amang a napaspaspas ngem kadagiti gagangay a missile, ken narigrigat a malapdan daytoy.
