LAOAG CITY – Binallaagan ti China ti Estados Unidos a nakasagana daytoy a sangoen ti aniaman a klase ti gubat.
Inbatad ni Chinese Premier Li Qiang nga amin a klase ti gubat kas ti tariff war wenno trade war ket labananda daytoy agingga iti maudi.
Kageddan daytoy, inrakurakna nga ipangatoda pay ti defence spending ti agingga iti 7.2 percent.
Kalikagumda nga ipakita nga uray adda ti pangta ti trade war idiay Estados Unidos ket saan pay a naapektaran ti ekonomiada.
Agtultuloy latta ti panangallukoyda ti foreign investor iti pagilianda isu a saanda a madanagan ti trade war ti Estados Unidos.
Maipalagip a pinatawan ti Estados Unidos ti 20 a porsiento a taripa dagiti produkto ti China nga ilaklako idiay Estados Unidos idinto nga iti Canada ken Mexico ket addaan ti 25 a porsiento nga ipataw a taripa.
