LAOAG CITY – Inlawlawag ni Provincial Social Welfare and Development Officer Mrs. Lilian Rin a dagiti umuna ken kangrunaan a maipaayan ti tulong manipod China ket dagiti pamilya a kangrunaan a naapektaran ti nagsaruno a bagyo a dimmuprak ditoy probinsya.
Inbatad na a saanen a rumbeng nga inaganan wenno iwaragawag dagiti naikkan ti ad-ado a tulong tapno maliklikan ti panaggiinnilem.
Segun ken ni Rin, malaksid ti pondo ti gobierno probinsyal ken tulong manipod China, ado pay dagiti pribado nga indibidual wenno grupo a nangipaay ti tulong na ditoy probinsya.
Kabayatanna, nagyaman ni Rin gapu ta ado dagiti boluntaryo a tumultulong nga agisupot kadagiti relief goods a maibunong kadagiti kaprobinsyaan.
Immuna ti daytoy, nangipaay ti gobierno ti China ti 600 “family packs” a maibunong kadagiti naapektaran a residente ditoy Ilocos Norte.
